تبادل
لینک هوشمند
سالمسان دردو غمه ای دردو درمان هارداسان؟
عشقده رسوا منم ای جان جانان هارداسان؟
یاندریب یاخدین منی شمع فراقیندا ولی
دیده گریان منم ای لعل خندان هارداسان؟
آتش عشقینده یانام لیلی مجنون کیمی
صبحدم شامه کیمی سرمست وعریان هارداسان؟
غم بیزه مهمان اولوب ال چکمدی بیر لحظه ده
راحت روحوم سن اول، خورشید تابان هارداسان؟
یازمیشمام شعریمده شوق و عشقیوی شام سحر
ای منیم درمان ودردیم وصل وهجران هارداسان؟
شاعر:استاد گرانقدرجناب آقای پیروزنیا
آذر 1389
تاریم منیم سیزلاییر احوالیما صبحه قدر تاریم منیم چوخ وفالی دوستلاریم واردیر، یامان گون گلجه یین یئر توتوب غمخانه ده، قیلدیم فراموش عالمی گوزلریمه هر تبسم سانجیلیر نئشتر کیمی آسمان آلدی کناریمدان آی اوزلو یاریمی ای بو غملی کونلومون تاب و توانی، سویله بیر "شهریار"م گرچی من سوز مولکونون سلطانی یم "استاد شهریار"
تکجه تاریم دیر قارا گونلرده غمخواریم منیم
تاردان اوزگه قالماییر یار وفاداریم منیم
من تارین غمخواری اولدوم، تار غمخواریم منیم
کیپریگی خنجردی، آه، اول بی وفا یاریم منیم
یاش توکر اولدوز کیمی بو چشم خونباریم منیم
عهد و پیمانین نه اولدو، نولدو ایلغاریم منیم
گوز یاشیمدان باشقا یوخدور در شهواریم منیم
حیدر بابا یه سلام
قیزلار اوْنا صف باغلییوب باخاندا سلام اولسون شوْکتوْزه ، ائلوْزه !
منیم دا بیر آدیم گلسین دیلوْزه
حیدربابا ، کهلیک لروْن اوچاندا کوْل دیبینَّن دوْشان قالخوب ، قاچاندا
باخچالارون چیچکلنوْب ، آچاندا بیزدن ده بیر موْمکوْن اوْلسا یاد ائله
آچیلمیان اوْرکلرى شاد ائله
بایرام یئلى چارداخلارى ییخاندا نوْروز گوْلى ، قارچیچکى ، چیخاندا
آغ بولوتلار کؤینکلرین سیخاندا بیزدن ده بیر یاد ائلییه ن ساغ اوْلسون
دردلریمیز قوْى دیّکلسین ، داغ اوْلسون
حیدربابا ، گوْن دالووى داغلاسین ! اوْزوْن گوْلسوْن ، بولاخلارون آغلاسین !
اوشاخلارون بیردسته گوْل باغلاسین یئل گلنده ، وئر گتیرسین بویانا
بلکه منیم یاتمیش بختیم اوْیانا
خان ننه
خان ننه، هایاندا قالدین
بئله باشیوا دولانیم
نئجه من سنی ایتیردیم!
دا سنین تایین تاپیلماز
سن أولن گون، عمه گلدی
منی گتدی آیری کنده
من اوشاق، نه آنلیایدیم؟
باشیمی قاتیب اوشاقلار
نئچه گون من اوردا قالدیم
قاییدیب گلنده،باخدیم
یئریوی ییغیشدیریبلار
نه أوزون، و نه یئرین وار
«هانی خان ننه م؟» سوروشدوم
دئدیلرکه:خان ننه نی
آپاریبلا کربلایه
که شفاسین اوردان آلسین
سفری اوزون سفردیر
بیر ایکی ایل چکرگلینجه
نئجه آغلارام، یانیخلی
نئچه گون ائله چیغیردیم
که سسیم، سینم توتولدی
او، من اولماسام یانیندا
أوزی هئچ یئره گدنمز
بو سفر نولوبدی، من سیز
أوزی، تک قویوب گئدیبدی؟
هامیدان آجیخ ائدرکن
هامییا آجیخلی باخدیم
سونرا باشلادیم که: من ده
گئدیرم اونون دالینجا
دئدیلر: سنین کی تئزدیر
امامین مزاری اوسته-
اوشاقی آپارماق اولماز
سن اوخی، قرآنی تئز چیخ
سن اونی چیخینجا بلکه
گله خان ننه سفردن
تله سیک راوانلاماقدا
اوخویوب قرآنی چیخدیم
که یازیم سنه: گل ایندی
داها چیخمیشام قرآنی
منه سوقت آل گلنده
آما هر کاغاز یازاندا
آقامین گؤزی دولاردی
سنده کی گلیب چیخمادین
نئچه ایل بو انتظارلا
گونی، هفته نی سایاردیم
تا یاواش یاواش گؤز آچدیم
آنلادیم که، سن أولوبسن!
بیله بیلمیه هنوزدا
اوره گیمده بیر ایتیک وار
گؤزوم آختارار همیشه
نه یاماندی بو ایتیک لر
خان ننه جانیم، نولِیدی
سنی بیرده من تاپایدیم
او آیاقلار اوسته، بیرده
دؤشه نیب بیر آغلایایدیم
قولی حلقه سالمیش ایپ تک
او آیاغی باغلیایدیم
که داها گئدنمیه ایدین
گئجه لر یاتاندا، سن ده
منی قوینووا آلاردین
نئجه باغریوا باساردین
قولون اوسته گاه سالاردین
آخی دنیا نی آتارکن
ایکیمیز شیرین یاتاردیق
یوخودا(لولئی)آتارکن
سنی من بلشدیرَردیم
گئجه لی، سو قیزدیراردین
أوزیوی تمیزلیهردین
گنه ده منی أوپردین
هئچ منه آجیخلامازدین
ساواشان منه کیم اولسون
سن منه هاوار دوراردین
منی، سن آنام دؤینده
قاپیب آرادان چیخاردین
ائله ایستیلیک او ایستک
داها کیمسه ده اولورمی؟
اوره گیم دئییر کی: یوق- یوق
او ده رین صفالی ایستک
منیم او عزیزلیگیم تک
سنیله گئدیب، توکندی
خان ننه، أزون دیئیردین
که: سنه بهشت ده، آلله
وئرجک نه ایستیورسن
بو سؤزون یادیندا قالسین
منه قولینی وئریب سن
ائله بیر گونوم اولورسا
بیلیسن نه ایسته رم من؟
سؤزیمه درست قولاخ وئر:
(سن ایلن اوشاخلیق عهدین)
خان ننه آمان، نولِیدی
بیر اوشاخلیغی تاپایدیم
بیر ده من سنه چاتایدیم
سنیلن قوجاقلاشایدیم
سنیلن بیر آغلاشایدیم
یئنیدن اوشاق اولورکن
قوجاغوندا بیر یاتایدیم
ائلر بیر بهشت اولورسا
داها من ئوز آللاهمیمدان
باشقا بیر شئ ایستمزدیم
استاد شهریار، تبریز، فروردین 1355
آتامیز یوردی بؤلونمکده دیمه اویناش آراسیندا
بؤلونر یوزیاشینون جرمه سی فراش آراسیندا
آتامیز(آتامیز بابک) دنیا یاسوبن دخمه سی ایچره
آنامیز ایرانی بؤلمکده دیر اویناش آراسیندا
داراشوب جانیمه دشمن هره بیر دیش قوپاریلار
بو یتیم مالی قالوب بیر سوری کلاش آراسیندا
باخ نجه قیزلاری، عورتلری، سائلیک ائدیلر
ملتین ناموسی دیر، فیرلانیر اوباش آراسیندا
تاپسا ملت یاوان آش، ئوزلری بوزباشی یسینلر
گنه بیر نسبت اولور آشیله بوزباش آراسیندا
قره ملت قالوب آج، جانی گئدیر، اوستلیک ایمان
بؤلونور باغ بالی اربابیله آغ باش آراسیندا
آش ایچنده علما آز قالیر اودسون قاشیقندا
نیلسون شک ائلیوب قاشیقلن آش آراسیندا
آغ گؤرچین، نه روادیر که ایشیقلیق، قوشی سن تک
یاتا بایقوش یوواسیندا قالا خفاش آراسیندا
گوز یاشیمسان سن آراز قویما گوزوم باخادا گؤرسون
نه یامان پرده چکوبسن ایکی قارداش آراسیندا
دئمه داغ داشدی سلیمان سنی مندن آییران شئی
بیر چیبباندیر کی چیخوب دور گوزیلن قاش آراسیندا
خلقی دارتیر، بو دگرمان داشی تک داغلاری ایله
بیزی دارتاندا قالایدی الی بیر داش آراسیندا
شهریار سن یازان اشعاری اوزاقدان تانیرام من
بیر ایوشماخ داغی وار نقشیله نقاش آراسیندا
استاد شهریار
ایتیمیز قورد اولالی
ایتیمیز قورد اولالی، بیزده قاییتدیق قویون اولدوق
ایت ایله قول- بویون اولدوق
ایت الیندن قاییدیب، قوردادا بیرزاد بویون اولدوق
ایت ایله قول- بویون اولدوق
قوردوموز دیشلرینی هی قارا داشلاردا ایتیلتدی
قویونون دا ایشی بیتدی
سون، سوخولدی سورویه، بیر سورونی سوکدی- داغیتدی
اکیلیب، ایت گئدیب ایتدی
بیزده باخدیق ایت ایله قورد آراسیندا اویون اولدوق
ایت ایله قول- بویون اولدوق
استاد شهریار
نئچه ایل دیر کی گونش تار گلر اولکه میزه
یاز گونی – باهار گونی قار گلر اولکه میزه
بیلمیرم بو آی – بو ایل باغچالار چیچکله نر؟
داغلارا یاقیش یاقار وار گلر اولکه میزه؟
وفا سیز یوچیلارا وفالی یول تاپیلار ؟
یول ایتیرمیش کیمی تک یار گلر اولکه میزه؟
یولچولاردان یاریمین خبرین ایسته میشم
نیله ییم کیمسه گلیب کار گلر اولکه میزه
خانلارین شانسی کیمی یوخدی بیزده بئله شانس
شئر یئرینده قارا ایت هار گلر اولکه میزه
آی چیخدی مئشه لرده مئی قالدی شیشه لرده
هامی نین یاری گلدی من قالدیم گوشه لرده
داغلارا چم دوشنده گول اوسته نم دوشنده
روحوم بنده اوینار یادیما سن دوشنده
اوتوموشدوم تختیمده نه وار منیم بختیمده
کبینمی کسدیلر گون اورتانین وقتینده
برق اولمادی ” قیزیم گئجه یاندیردی لاله نی
پروانه نین ” اودم ده باخیر دیم اداسینه
گؤردوم طواف کعبه ده یاندیقجا یالواریر
سؤیلور : دؤزوم نه قدر بو عشقین جفاسینه ؟
یا بو حجاب شیشه نی قالدیرکی صاورولوم
یا سوندوروب بو فتنه نی ” باتما عزاسینه !
باخدیم کی شمع سؤیله دی : ای عشقه مدعی !
عاشق هاچان اولوب یئته اؤز مدعا سینه ؟
بیر یار مه لقادی بیزی بئیله یاندیران
صبر ائیله یاندیران دا چاتار اؤز جزاسینه “
اما بو عشقی آتشی عرشیدی ” جاندادیر
قوی یاندیریب خودینی یئتیرسین خداسینه
محمدحسین شهریار
من یئنه ده یاتانمیرام
یوخی گلمیر گوزومه، من ینه‌ده یاتانمیرام
بو میراث مرض‌لیگه، منده داها باتانمیرام
خیالیم قاطار کیمی، قاطیرکیمی اویناقلاییر
چاتدامیش اویغویا یاتماق یوکونو چاتانمیرام
بو گودوخلانان خیال، قیدیقلانیر شیللاق آتیر،
منده - عذر ایستیرم- ائششک باشینا اوز باشیمی قاتانمیرام
نئیله‌ییم یاز قوتاریب یای قوتاریب پاییزداییق،
اکیلیب بیچیلمه‌ین بوغدانی کی ساتانمیرام!
کنده گئتدیم که بیر آز دیل دوداغیم بلکه گوله،
خوش خبرلره من امما اوردادا چاتانمیرام
ائله بیر شاختا باسیب دوداقلارین گولن اوزون،
قاراگون من، نئلییم کی چیخمامیش باتانمیرام
ارییب قویروغو دیل خوشلوغوموزداندا داها،
بیر سوموک وار بوغازیمدا کی اونو اوتانمیرام
بیربیریمیرزین اتین یئسک سوموگون آتماریق،
آتا یوردون بونا خاطردی هاساند آتانمیرام.
بیله‌شیز اوتانمییز کورکودورتدن آیریلیز،
منده والله کودورت سیلمه‌گه هئچ اوتانمیرام
نظرات شما عزیزان:
ورود
اعضا:
<-PollName->
خبرنامه وب سایت:
آمار
وب سایت: